3 juin 2011
نتوحشك
نتوحشك
و نحب نقومك
باش نخزرلك و باش نحكيلك
نتوحشك و نحب نجيبك
و نهرب و نطير بيك
و نزيد نتوحشك و نخاف عليك
و نتمنى اني نعملك قصر و فيك نخبيه
ونتوحشك و نجري كي لولد الصغير
نضحك و حزين
ونرمي روحي في شونك
و نشد ونكبش على تلابيبك
باش ما تهربش عليا
و نتوحشك
و نتحرق بسخانة بدنك
و نسكر بحلاوة شفايفك
ونتوحشك ووحشي يكبر و يكبر
و نعملك اميرة و من الدنيا قصة
ونرد كلمنا شعر و حياتنا نوار
ونخلوها حكاية بلا ذيب ولا سحار
و نتوحشك ونحب نرقدك
باش كان حتى ذبت ونا نخزلك
نلمك بين يديا
وما تفيقش بيا
نتوحشك
ونعملك نهاري وليلي
و نخبي
و نخبي
و نخبي
و نسمعك ونتبسم
كي تقولي لا متخممش فيا
و على وحشي الكل نزيد نتوحشك
ونتمنى كان نلمك ليا
و نوفى و توفى
و يوفى وحشي ليك